Esta fin de selmana en Asturies celébrase una fecha bien singular. Una fiesta que, en distintos puntos de Asturies, provoca'l surdimientu de fiestes y feries nos que pasar un bon ratu. Tamos falando del Samartín, un fecha que se conmemora'l 11 de payares y que, antaño, yera la fecha nel que se solía facer la matanza del gochu. Nós, encamentamosvos celebralo nestos trés llugares:
Los humanitarios de Morea
Dende fai más de cien años, concretamente dende 1905, cada 11 de payares Morea celebra una de les cites más populares y clásiques de la seronda asturiana. Esta fiesta cunta colos rituales típicos de misa, desfile de carroces, y folclore típicu asturianu. Amás, trátase d'una celebración que nació del asociacionismu vecinal con una finalidá social y solidaria de sofitu a los más desfavorecíos. Nesti festexu, hai una gastronomía típica que puedes tastiar esi día. Consiste en fabada, casadielles y panchón. Esti postreru ye'l postre ayerán por excelencia, que tien como base'l pan d'escanda. A lo último, l'impulsu y popularidá d'esta celebración foi motivu d'otorgar el galardón de Pueblu Exemplar d'Asturies.
La feria de ganado del San Martín en Samartín de Lluiña y Villayón
Como cada añu, l'asociación de Ganaderos de Samartín de Lluiña entama'l 11 de payares una feria de ganáu, que va dir acompañada d'un alcuentru de deportes tradicional ente miembros d’Asturies y Euskadi a otru día. Amás, la nueche del 11, va tar amenizada por Orquesta Trebol y Grupu D’Cano. De la mesma manera, en Villayón van celebrar el San Martín con una feria de ganáu porcín.
Fiestas de los Nabos en Sotrondio
Esta orixinal fiesta gastronómica esibe'l potencial de tradición culinaria y capacidá creativa nel corazón del Valle del Nalón. En pocos llugares d'Asturies se tastia un pote de nabos tan sabrosu y sanu como'l que sal de Sotrondio, que rinde homenaxe nestos díes al patrón del conceyu. Restoranes, sidreríes y cases de comíes de Sotrondio ufierten el tradicional menú de los nabos, que suel acompañase d'un segundu platu de callos y de postre, un dulce típicu que suelen ser casadielles, frixuelos o arroz con lleche
