Que los conceyos del estremu más occidental de Asturies tienen una guapura inigualable y que nun son tan conocíos como otros puntos, ye un fechu. Una d'eses zones ye la Comarca d’Os Ozcos-Eo, asitiada nel suroccidente y faciendo frontera con Galicia. Ellí, apaez nel nuesu itinerariu de güei Ferreira. Trátase d'un pequenu pueblu del conceyu de Santalla d’Ozcos que se convirtió nel reclamu turísticu de la zona. Ellí, vas poder ver y esfrutar d'esto que te cuntamos darréu.
Desconecta del mundanal ruíu en Ferreira
La contorna Ozcos-Eo ta catalogada como Reserva Mundial de la Biosfera, pol so gran valor paisaxísticu. En plenu monte, pero namás que 30 minutos en coche de la sablera más cercana (Penarronda en Castropol/Tapia) podemos atopar Ferreira, nuna situación única y coles arquitectures tradicionales entá de pies.
Ferreira ye un pequenu pueblu onde anguaño viven poques persones. Lloñe queden yá los tiempos nos qu'estes tierres yeren habitaes por muncha xente. Sicasí, frente a esa falta d'estrueldos o la rapidez d'una ciudá, equí la vida, les prieses, les nueves tecnoloxíes, les modes, la contaminación y el mundu enteru alquier un papel secundariu. Ye por eso polo que, si lo que precises ye una desconexón total de tolo que supon vivir nuna ciudá, esti llugar ye l'indicáu.
Canoas en plena naturaleza
En Ferreira cunten, dende va unos años, con un área recreativa. Ellí, concéntrase pel branu xente venida de diversos puntos pa esfrutar d'un llugar con munchu encantu pa desconectar. Amás, el llugar tien servicios y, xunto con una zona habilitada pal bañu, esiste la posibilidá d'alquilar canoes o kayaks y esfrutar d'un tramu d'hasta 6 kilómetros pel ríu Agueira.
