La seronda siempre ye un bon momentu pa echase al monte y esfrutar de los guapos paisaxes que nos ufierta la naturaleza asturiana. Sicasí, n'ocasiones ye recomendable facelo con un bon guía de monte que, amás d'acompañate, t'ilustre tol camín que percuerres. Por eso, güei en VerAsturies, traémoste dellos encamientos pa les tos próximes salíes.
Joaquín Álvarez, el Guía del Paraíso
Escalada, alpinismu, esquí de monte… col guía oficial d'altu monte Joaquín Álvarez, más conocíu col Guía del Paraísu, nun va haber situación que nun puedas xestionar. Con él, vas poder empecipiate o siguir aprendiendo en toes estes disciplines coles mesmes qu'esfrutes de la guapura d' Asturies dende los altores, los sos cursos tán diseñaos tres munchos años d'esperiencia concentrada p'aprender. Picu Urriellu, Penubina, Peña Santa de Enol… tolos cumales emblemáticos tán a la to disposición con Joaquín, al igual que les travesíes d'esquí, como la de Tuiza-Cuitu Negru, ente otres. Y si esto nun ye lo tuyo, pero conoces a daquién que-y encantaría, siempre puedes optar por regalar una esperiencia inolvidable col Guía del Paraísu. ¿A qué esperes?
Teléfonu: 647 604 350
Páxina web: www.elguiadelparaiso.com
Trekkings y cimas
Senderismu, rutes en barayones, observación de la naturaleza, speed hiking, cursos d'orientación, vivacs, trekkings d'unu o dellos díes y cumales… Estes son dalgunes de les actividaes que vas poder realizar con Trekkings y Cimas, la empresa que cunta col guía Víctor Morán, técnicu deportivu de mediu monte y sociu de l'AEGM. Con ellos, vas poder cumplir el to deséu de turismu activu, percorriendo dalgunos de los paisaxes asturianos más increíbles y dexando na alcordanza una esperiencia inolvidable. Porque dende los montes tou vese distintu, con Victor Morán y Trekking y Cimas vas realizar una actividá única y acompañáu de la esperiencia y anécdotes d'un bon guía de monte. ¡Nun duldes más!
Teléfonu: 636 783 656
Páxina web: trekkingsycimas.com
Serondasturias
Con Serondasturias y Consta Vázquez, guía de mediu monte y técnicu deportivu, vas atopar lo necesario pa una prestosa esperiencia nos montes, yá que ye él l'encargáu de facer que los participantes nel turismu activu d'Asturies valoren los montes, paisaxes, cultura y gastronomía. Picos d'Europa, Redes, Ponga, Fuentes del Narcea, Somiedu o Les Ubiñes son dalgunos de los llugares que vas poder conocer y percorrer con Serondasturias, siempre con rutes planiaes y con exclusividá pa que nun pierdas nengún detalle. Asina, vas aprender cola esperiencia de Consta nos montes. Nun esperes más y consulta los sos percorríos de sueñu pelos montes de Asturies.
Teléfonu: 637 36 55 79
Páxina web: serondasturias.com
Aturruta
Si'l to llugar ta nel Parque Natural de Redes, una bona opción pa guiate nos percorríos ye Aturruta. Coles sos rutes de senderismu vas percorrer valles, montes y cuenques fluviales esfrutando de la so amplia variedá biolóxica, tanto en flora como en fauna. La Ruta del Alba, El Tabayón del Mongayu, Llinares, Torrexón de Villamorei, Monte Allende, el Tiatordos, el Llagu Ubales… y un cientu de llugares a los que dir coles rutes guiaes de Aturruta pa namorate d'Asturies. Y non sólo eso, sinón que tamién entamen diverses actividaes nesta idílica redolada, como ser apicultor por un día, vivir un filandón, realizar xabones o esfrutar del espectáculu de la berrea. La to ruta de senderismu espérate en Aturruta.
Teléfonu: 644 27 28 56
Páxina web: aturruta.com
Guías Cantábricos
Con Guías Cantábricos, guíes de monte con amplia esperiencia, vas poder realizar montañismu, senderismu, rutes con barayones (son pioneros nello, faciendo auténtiques rutes de monte na nieve, afeches a tolos publicos), ascensión de cumales, trekking, esquí de travesía o actividaes d'ecoturismu, como'l senderismu etnográficu, onde pretenden echar una mirada al pueblu dende'l pueblu, afayando la verdadera identidá de los mesmos y respetando al máximu los sos habitantes al traviés d'una pequeña ruta de senderismu. Amás d'eso, imparten cursos de formación n'alpinismu ivernizu, escalada deportiva, orientación o primeros auxilios en monte, ente otres, polo que si nun conocemos como encarar una salida, vas poder aprender con ellos. Nun lo duldes más y percuerre Asturies con Guíes Cantábricos.
Teléfonu: 620 36 36 21
Páxina web: guiascantabricos.com
