María López ye una xugadora de hoquei sobre yerba profesional que xuega nel Club de Campo Villa de Madrid de la División de Honor Femenina de Hoquei sobre Yerba, ñacida nel añu 1990 na villa de Xixón.
Dende moza, entamó entrenando al hoquei nel Real Grupu de Cultura Covadonga, onde coincidió con Estela García, Lucía Rivero y María Díaz, ente otres. Un tiempu dempués, treslladóse al Centru d’Altu Rendimientu de Madrid p’ameyorar la técnica, onde compatibilizó’l hoquei colos estudios n’Alministración y dirección d’empreses na Universidá Complutense de Madrid.
Hasta agora, ganó dellos títulos col Club de Campo Villa de Madrid: cinco campeonatos de Liga Española nos años 2011, 2012, 2014, 2015 y 17, dos subcampeonatos nos años 2013 y 2016 y cinco Copas de la Reina nos años 2011, 2012, 2014, 2016 y 2017. Pero’l so palmarés nun queda equí, a nivel internacional foi medalla de bronce nel Campeonatu d’Europa A de clubes nel añu 2015 y medalla de bronce nel Campeonatu Européu de Hoquei sobre Yerba Femenín del añu 2019.
Nos postreros XXOO de Tokyo, l’asturiana fizo un bon papel como capitana de la selección española, pero tuvieron qu’abandonar el país tres perder nos cuartos de final nos shoot out (los penaltis del hoquei) escontra Gran Bretaña. shoot out (los penaltis del hockey) contra Gran Bretaña.
