Si hai un exemplu de supervivencia escontra vientu y marea, esi ye del del Antroxu. Fiesta milenaria y pagana, enraigonada especialmente, coles sos particularidaes al respective d’otros llares, n'Asturies, la transgresión na que s'asitia la so idiosincrasia haber fechu ser especialmente escorrida poles autoridaes de too tiempu, forma y color. Anque la nuesa efeméride d'esta selmana fai referencia a una de les socesives prohibiciones qu'acabaron con él a lo llargo del franquismu, no respective a Xixón, para falar de la censura al Antroxu tenemos de viaxar munchos sieglos tras.
Una fiesta incómoda pa les autoridaes
Concretamente, a 1523. Esi añu, un recién llegáu a España Carlos I prohibe por Real Orde la celebración de los antroxos, la esistencia de mazcaraos o persones disfrazáes. D'ello, dicíase, “resulten grandes males, y azorronar con elles y tapen”. Aquella causa, la inseguridá que se producía del tránsitu de persones inidentificables -y non siempres con bones intenciones-, va ser clave pa entender los vetos socesivos a una fiesta que, hasta'l sieglu XIX, solo va cuntar colos curtios periodos de tolerancia correspondientes al reináu de Felipe IV (una ventena d'años, 1621-1640) y Carlos III (1759-1788). Malpenes mediu sieglu de relativa llibertá en casi trescientos años, al qu'habría qu'añedir la etapa de José Bonaparte (1808-1813), la posición de los diputaos de Cádiz y el Trieniu Lliberal (1820-1823). Significativamente restrictives seríen les disposiciones de Felipe V, el primeru de la dinastía borbona, a partir de 1716. Por mediu d'elles prohibíase l'antroxu por dar “munches ofienses a la Maxestá Divino y graves problemas por nun ser conforme al xeniu y recato de la nación española”. Hasta mil ducaos de multa o inclusive penes de presidiu y galeres estremábanse naquelles ordes para cualesquier que les contraviniera celebrando l'Antroxu.
Con too y con eso, superviviente
Con tou, la imbricación de la fiesta yera tal nel pueblu que nun pudo ponese puertes al campu. Na década de los 30 del sieglu XIX llevantaríase finalmente'l vetu a les mesmes, so la rexencia de María Cristina. Dende entós y hasta la Guerra Civil, solo lleves normatives eslluciríen la fiesta, como la Real Orde de 1921 por mediu de la que se prohibieron les mázcares y el tiru de serpentinas pa garantizar la seguridá nun país bastante convulso, na lid política, coles mesmes. N'Asturies, l'espíritu de les Carnestolendas tuvo siempres presente, en cualesquier de los solsticios, anque les fiestes más llonxanes sí sufrieron los efectos de les prohibiciones llexislatives y tamién del despoblamientu, recuperándose, nesta mesma década, celebraciones perdíes como la de los Aguilandeiros de San Xuan de Villapañada, otra de les víctimes de la censura institucional. Nel sieglu XX esta va llegar de la mano del bandu subleváu qu'empecipió la Guerra Civil, siendo xuna de les sos primeres disposiciones, en 1937, l'abolir l'Antroxu.
Pero tampoco eso acabó cola fiesta, celebrada na clandestinidá de forma más o menos pública (perhí queden los famosos antroxos de Cimadevilla, con ‘Rambal’ travestíu a la cabeza) y de forma entá más abierta mientres la década de los 70, cuando a los bailles de disfraces de les ‘boîtes’ entama a nomáselos, a la fin, pol so nome: fiestes d'Antroxu. La prohibición, güei, calza yá botes centenaries, pero nada puede con una fiesta que lleva a los sos llombos cuantimenos dos milenios de tradición.
