Como cada añu, el 30 de payares celébrase nel conceyu de Samartín del Rei Aurelio la fiesta gastronómica de les cebolles rellenes, más concretamente na llocalidá de L’Entregu. una fiesta que se remonta a los años trenta y cuarenta del sieglu pasáu.
Nesta fiesta, nomada d’Interés Turísticu y Gastronómicu Rexonal, la hostelería ufre menús compuestos de cebolles rellenes de bonito, ración de callos y de postre, casadielles, un postre mui típicu d’Asturies. Tamién pueden prebase únicamente raciones individuales de cebolles. Les xornaes gastronómiques entamen el 30 de payares, pero s’allarguen nel tiempu hasta la fin de selmana, pa que too tipo de xente pueda averase a la llocalida entreguina a prebar esti deliciosu platu típicu nes cuenques mineres d’Asturies.
Amás d’esto, hai tolos años un Concursu de Cebolles Rellenes con dos modalidaes: una pa cocineros non profesionales y otra pa cocineros profesionales. Mientres los díes qu’asocede la celebración, una montonera de xente, visitantes y turistes enllenen les calles d’esta población minera pa esfrutar de la gastronomía de la zona. ¿Vas perdételo?
