El XXXIII Certame de Quesos Artesanos de Asturies yá ta equí y mientres los díes 27 y 28 d'abril van dase cita diversos productores na villa de Salas. L'eventu ye un imprescindible nel ociu del conceyu. Prueba d'ello son toles actividaes que se programen alredor d'él. Paque nunpierdas nada, de siguío detallámostelu.
La nueche anterior al empiezu del certame, el 26 d'abril, van empezar les actividaes con una verbena a partir de les 23:00 hores delantre del antiguu cine con carpa en frente del conceyu, que va tar amenizada por Duo Impacto y DJ Guille.
El programa del XXXIII Certamen de Quesos Artesanos
El sábadu 27 va ser el momentu del empiezu del XXXIII Certame de Quesos Artesanos de Asturies, onde vas poder tastiar distintos tipos de quesos. Precisamente, a les 19:30 hores va haber una cata de quesos popular. Amás d'eso, a les 17:00 va haber xuegos tradicionales y pintacares al cargu de Verde y Azul y a les 18:30 va abrise la esposición «El turismu queseru n'Asturies» por Ángel Alba Barettino na carpa d'actividaes y a les 20:00 hores celebrará l'Alcuentru de Bandes cola Banda de Gaites Villa de Salas y Rondalla Cuesta de la Virxe del Tarancón.
Sicasí, el día principal va ser el domingu, cuando vas poder parar en cada puestu a mirar caún de los quesos presentes nesti certame. A partir de les 11:00 hores va dar empiezu la inauguración del certame. A les 12:30 hores fadrá la entrega del galardón «Quesu d'Oru 2024″a la Real Confrería d'Amigos del Quesu delantre de la casa conceyu. Darréu, a les 13:00 hores realizará un homenaxe en memoria de Graciela Fernández de la Quesería L'Arquera y El Guah.e pol so ponderatible trabayu nel mundu queseru.
A les 13:30 y a les 17:30 va haber una degustación de platos con quesu pol cocineru David Montes xuntu con un pasucais de la Banda de gaites Villa de Salas y, a les 18:00 hores, va haber un concursu de postres con quesu na carpa d'actividaes.
Otres actividaes del Certamen de Quesos Artesanos
Xuntu al propiu mercáu, va haber diverses actividaes dende les 11:30 hores, como la Vaca Candela. Tratar d'un taller de quesu gratuito nel que vas poder catar, tocar un pianu con tecles feches de quesu, sacate semeyes nel photocall y llevar el quesu que faigas pa la to casa xuntu con dalgún regalu más. Eso sí, hai una llende d'inscripción al traviés del Whatsapp (625 71 88 01). Otra de les actividaes ye l'actuación de José Armes L'Ilusionista, anque yá nun hai places disponibles. Amás d'ello, na carpa d'actividaes, va haber un taller de cestería gratuitu pa tolos públicos y un madreñeru, que va facer demostraciones del so oficiu.
A lo último, los establecimientos hosteleros del conceyu van collaborar col certame y en La Figal de Xugabolos, Bar La Campa, Casa Sueño, Meson Dany y Casa Ricardo van ufiertar menúes col quesu como ingrediente protagonista.
LII Concursu Esposición de Ganáu Vacunu
Amás del Certame de Quesos Artesanos, va celebrase tamién el LII Concurso Exposición de Ganáu Vacuno nel Recintu Ferial Naves de la Recta. El domingu 28 d'abril fadráse la recepción del ganáu a partir de les 16:00 hores. El llunes va empezar el Concursu d'Asturiana de los Valles: a les 11:00 hores Aptitú Normal y a les 16:00 hores l'Aptitú Culón. Amás, a les 22:00 hores va actuar na carpa'l Grupu Ideas. A lo último, el martes 30 d'abril, a partir de les 11:00 hores va ser la entrega de premios con salida a pista de tolos animales ganadores y va realizase'l mercáu de martes de feries.
Nun faltes esta fin de selmana a la to cita col quesu y el ganáu vacuno en Salas, una villa y un conceyu llenu de cultura gastronómica y patrimoniu.
