Cuando aporta'l Nadal, siempres surde la dulda d'ónde mercar los tos regalos pa los tos seres queríos. Poro, en VerAsturies queremos ayudate nesta tarea, recomendándote establecimientos a los que dir en Xixón.
Kreencias
Un establecimientu bien chocante nel que seguro que vas salir con dalgún productu ye Kreencias, un espaciu llenu de complementos, accesorios, decoración y ropa bien orixinal y esclusiva qu'importen de países orientales. Ye un llugar onde puedes mercar más qu'un regalu, vas poder date esi caprichu que quies per Navidá y asina vas poder atopar felicidá nes coses más pequenes o atopar esi regalu que tanto te ta costando atopar. Productos del Tibet, Feng shui, minerales, aromaterapia… Son munchos los productos que vas poder ver en Kreencias y que pueden convertise nos tos regalos. Amás, si nun puedes averate a la so tienda, na so web vas poder atopar tolo que busques pa estes feches tan señalaes.
Dirección: Cai Menéndez Valdés 4, Xixón
Horariu: Llunes a sábadu de 10:00 a 14:00 hores y de 16:00 a 21:00 hores
Teléfonu: 985 16 15 79
Páxina web: kreencias.com
Malasquina
Si'l regalu nel que tas pensando tien que ver cola música, el cine o les series, Malasquina ye'l llugar al que tienes d'averate. Asitiada nel Centru Comercial San Agustín, esti establecimientu ufierta les camisetes, sudaderes y otros complementos que tabes buscando pa los tos regalos perfectos nestes Navidaes. Con diversu merchandising de bandes de música, dalgunes de les series y películes más icónicas y otros productos más personalizaos, lo difícil va ser escoyer. Y non solo vas atopar productos pa los mayores, los más pequenos tamién tienen el so espaciu en Malasquina, con productos nos que los pequeños van amosar la moda más actual. La tienda de referencia en merchandising en Xixón te ta esperando.
Dirección: Plaza Romualdo Alvargonzález
Horariu: Llunes a sábadu de 11:00 a 14:00 hores y de 17:00 a 20:00 hores
Teléfonu: 625 11 19 14
Páxina web: Facebook Malasquina Shop
Librería Paradiso
La esperiencia de mercar llibros nuna llibrería mientres la temporada navidiega ye máxica y llena d'encantu. Los estantes enllénense con hestories que prometen tresportar a cualquier llector a mundos fascinantes. Y de eso, saben enforma y bien en Llibrería Paradiso, unu de los focos culturales de la ciudá y un espaciu que ye abellugu d'inspiración y descubrimientu. Porque Paradiso ye muncho más qu'una llibrería y, ente los sos estantes, vas atopar la meyor selección musical con vinilos y CDs d'artistes locales, nacionales ya internacionales y con una gran variedá d'estilos (Jazz, Pop, Hip hop, Rock español ya internacional…), porque la música ye tamién un gran acompañante de la llectura. Regalar un productu de Paradiso conviértese nun actu de ciñu, celebrando la maxa de la llibrería y fomentando la conexón ente seres queríos.
Dirección: C. de la Merced, 28, 33201 Xixón, Asturies
Horariu: Lunes a viernes de 11:00 a 14:00 y de 17:00 a 20:00 y sábados de 11:00 a 14:00
Contacto: 985 34 18 80
Lencería Clarita
Lencería Clarita en Xixón ye un oasis d'elegancia y estilu nel mundu de la llencería. Allugada nel corazón de la ciudá, esta tienda ufierta una esperiencia de compra única p'aquellos que busquen prendes íntimes d'alta calidá. La selección de productos en Lencería Clarita ye impresionante, dende delicaes pieces d'encaxe hasta opciones más funcionales pero igualmente elegantes. L'atención al detalle y la cuidada presentación de la mercancía reflexen el compromisu de la tienda cola escelencia. Si tas interesáu nos sos productos, puedes visita-yos na so tienda, o adquirilos al traviés de teléfonu, email o Whatsapp, con entrega en casa dientro del conceyu de Xixón y por mensaxería nel restu de conceyos.
Dirección: Cai Tomás Zarracina 1, Xixón
Horariu: De llunes a vienres de 10:00 a 13:45 y de 17:00 a 20:00. Sábados de 10:30 a 14:00
Contacto: 985 34 20 28
