Güei vamos falar d'una ruta perfecta pa tolos niveles y esfrutar cola familia. En plenu corazón de los Alpes Tuizos, una ruta a Pena Cerreos.
La dificultá técnica de la ruta ye fácil, con una altitú máxima de 2.117 m y una mínima de 1.204 m. Un total de 8,85 km con un desnivel positivu de 929 m. La xubida depende de la condición meteorolóxica, del terrén y física. Pero podemos averar que se tarda 3 hores y 30 minutos.
La ruta parte del aparcamientu de Tuiza riba. Vamos entamara xubir siguiendo les indicaciones. Tres una llixera xubida, deber d'escoyer qué camin siguir, si'l d'iviernu o'l de branu.
Una vegada escoyida dicha cuestión, dependiendo de la meteoroloxía, vamos empezar la nuesa xubida. Tres 20 minutos de xubida vamos llegar a la portiella. La cual siempre y sobremanera pel branu tien de permanecer zarrada pol ganáu. Nesti puntu vamos poder parar a reparar les increíbles vistes de Ubiña. Siguimos la xubida y tres otros 10 minutos vamos llegar a Braña Tsuenga. Una braña de verdes praos, flora y apinada de vaques y caballos en tempora. Ellí hai dos cabanes de vaqueiros, y una corrolada. En pasando esta Braña vamos llegar al Abellugu del Meicin. Nél podréis tomar daqué y enfrescanos coles impresionantes vistes que se tienen dende ellí. Amás, vas poder caltener una conversación cola guarda Tania Plaza y Gummo sobro'l modelu de vida, y condicionantes de tar ellí enriba.
Cuando teamos llistos dende ellí vamos partir al altu de Terreros. Unos 30 minutos más. En cruciando la portiella que dixebra Asturies de Llión, vamos xirar a la izquierda pa entamar la xubida a Pena Cerreos. Un camín ensin dificultad pero de rimada constante. Tres otros 30-40 minutos de xubida vas tar nel visu. Dende equí vas tener unes vistes espectaculares de Peña Ubiña, Peña Ubiña la pequeña, la Carba, el Solmichu, Caldas de Lluna, Les roxes, y la Mesa.
De siguío vamos baxar pol mesmu trayectu que siguimos para la xubida.
Si quies más recomendaciones de ritos nun dudes en pinchar en el enllaz..
