Si por dalgo ye conocio’l conceyu de Cabrales ye pol quesu que lleva’l mesmu nome del llugar. Sicasi, esti conceyu escuende munches mas ayalgues. Talu ye’l casu d’Asiegu, nomau nel anu 2019 Pueblu Exemplar d’Asturies pola Fundacion Premios Princesa d’Asturies. Asiegu ye un pueblu asturianu con una atmosfera maxica y bien especial. Asina, esti llugar unicu, abellugau ente la Sierra del Cuera y los Picos d’Europa, mira directamente a un de los iconos d’Asturies: el Picu Urriellu.
Ventin barrios componen esti pueblu, al que los caminos y miradores infinitos, les cases tradicionales, los bancos panoramicos, los chigres y llagares o’l constante caleyar de propios y turistes lleguen a da-y un aire distintu, que paez tar animau y sofitao na impresionante fuerza que vas sentir n’Asiegu, como si esti llugar tuviera una poderosa conexon enerxetica cola naturaleza.
Malpenes tien un cientu d’habitantes, pero’l pueblu de la parroquia de Carrena va namorate. Abelluga cases d’arquitectura tradicional asturiana col so tipicu corredor, sobre manera nel barriu de La Caleya, el mas antiguu, dellos apartamentos de turismu rural onde poder agospiase y un par de queseries nes que s’ellabora’l conocio quesu Cabrales con DOP (Denominacion d’Orixe Protexida).
Por embargu, la so xoya nun ta a simple vista, polo menos nel so esterior. Lo que nuna gueyada rapida pue paecer una ilesia simple, caltien dientro d’ella, nes sos parees, l’arguyu de tol pueblu. Falamos de les sos pintures, que faen que munchos consideren esti edificiu relixosu como la capiella sistina del conceyu de Cabrales.
Construyida en 1620, la ilesia de San Miguel d’Asiegu llevanta a la entrada d’esta llocalida cabraliega. Lo mas destacao ta na so capiella mayor, toa ella pintada. Tamien la boveda ta pintada dafechu. Too invita a quedar prindau de la guapura de caun de los sos requexos.
La ilesia parroquial de San Miguel d’Asiegu data les sos pintures murales a finales del sieglu XVI y principios del sieglu XVII. Tanto na boveda como nel retablu, l’harmonicu cromatismu y la mesurada composicion traennos a la vista’l meyor barrocu rural nun edificiu relixosu.
Les pintures d’esta ilesia de San Miguel fueron rescataes del escaezu y restauraes apocaya mas d’una decada, y guei constitun, ensin dulda, una de les grandes particularidaes d’Asiegu nun pasu cultural. En pallabres del so restaurador, Jesus Puras, «lo mas destacable ye que representa un retablu pictoricu, bastante bien fechu, al gustu del momentu polo que pue fechase perbin».
Paez ser que la ilesia d’Asiegu foi una de les 10 que cayeron n’Asturies como resultau de la nevadona de los tres ochos, nel anu 1888. Cuando se restauro, sacose’l cementeriu del nucleu rural a onde ta agora. Como se pue comprobar, la ilesia constitui nesti pueblu un de los simbolos y el so vecindariu nun dexo qu’esi esbarrumbe desaniciara tola so hestoria.
Son munchos los requexos que guarda esti pueblu cabraliegu y polos qu’un pue abeyar, como’l mirador Pedro Udaondo, les 21 siluetes de vaques de Jose Sahasun nel camin de Les Prunales, les vistes dende la mayada de Trebandi, el Picu Tiedu, l’area arqueoloxica del Taranu, los bancos apadrinaos… Son munchos, pero enxamas van ser demasiaos, porque Asiegu caltien nel so caleyar tola esencia d’un pueblu del oriente d’Asturies.
