Club Náutico Albatros

Tolos años hai un sector en nuechevieya que-y toca trabayar mientres la nuechevieya y que comúnmente ye escaecíu. Por eso, el CLUB NÁUTICU ALBATROS alcordóse d'ellos, pa qu'aquellos qu'esi día nun puedan celebralo, esfruten d'una nuechevieya colos sos familiares y amigos. Una “pre-nuechevieya” que va tener llugar nel club el 28 d'avientu y que s'antoxa especial, con un menú qu'inclúi xamón (cortáu por manos espertes), langostinos con vinagreta de mazana, llubina al cava, sorbete de llimón y corderu guisáu con pataques. Tou con vinu y sidra, a escoyer. De xacíu, nun puede faltar el tradicional cotillón, turrones y uves pa celebrar esta entrada y salida d'añu. Barra llibre hasta los trés de la mañana y un DJ que amenizará tola nueche, son un broche d'oru que va ayudar a que recibas el 2023 nun llugar tan privilexáu, a la vera de la ría de Villaviciosa. 

Dirección: Samartín n. 25, Samartín (Villaviciosa)

Horariu:  Todos los días de 11:00 / 23:00

Teléfonu: 631 086 396 / 632 051 928

Marieva Palace

Pa los que prefieren la fiesta'l mesmu día de nuechevieya, un llugar perfectu ye'l MARIEVA PALACE. Un menú de luxu espérate nesti prestixosu restorán asitiáu pela rodiada de Xixón. El 31 d'avientu vas tener una escelente recepción de bienvenida, con distintes propuestes culinaries y un cortador de xamón, antes de pasar a tastiar la cena, acompañada con vinos Premium, cava o sidra axampanao. Pero lo que de verdá prúi nesti día señaláu ye pasalo bien y en Marieva Palace saber. Por eso, prepararon una fiesta tres la cena con cotillón, barra llibre y baille con orquesta hasta les 5 de la mañana, con chocolate con churros o sopes d'ayu. Tou ello si aguanta'l cuerpu tres la magnífica fiesta. Amás, hai serviciu d'autocares dende Xixón, Uviéu, Llugones y Mieres… ¡asina que nun hai escusa! 

Dirección: Carretera, AS-II, 3315, Xixón, Asturies

Horariu: Lunes a jueves de 11:00 a 19:00 y viernes a domingo de 11:00 a 22:30

Teléfonu: 985 168 014