La Ruta del Chorrón atópase nel conceyu de Piloña, concretamente en Villamayor. El puntu de partida atópase nesti mesmu pueblu y termina nel Área recreativa de La Cascada del Chorrón. Esta cascada ye un saltu d'agua d'unos siete o ocho metros d'altu, un pequeñu secretu de la naturaleza escondíu nesti rincón piloñés.
Trátase d'una ruta curtia perfecta pa realizar con neños, yá que trescurre per un camín senciellu y un llargor d'apenes 5 kilómetros ente la ida y la vuelta. El tiempu averáu que puede tardase en realizar el percorríu ye de 1 hora y 20 minutos. Amás, nel área recreativa que s'atopa poco primero de llegar a la cascada, hai diverses meses y columpios pa pasar una prestosa xornada al aire.
Encamiéntase siguir la ruta mientres 2 kilómetros más pa poder llegar al pueblu abandonáu de la Cueva y a la cueva que-y da nome. Pa los más aventureros, esiste un percorríu más llargu, d'unos 10 kilómetros aprosimao. Nesti percorríu puede algamase el Cuetu del Tombu, dende esti llugar se va poder esfrutar d'unes guapes vistes de Los Picos d'Europa, La Sierra del Sueve y los montes del conceyu de Piloña. Pa volver a puntu d'orixe, puede facese la torna volviendo pol mesmu camín de la ida o siguiendo'l camín baxando hasta'l pueblu de Torín. Per esti camín, esiste un kilómetru de percorríu que nun ta marcáu per senderu polo que ye recomendable planiar bien la ruta pa nun despistase.
Pa llograr más información sobro esti llugar puede aportase a nesti enllaz.
