El pasau día del padre d'esti añu, la cantante Alaska fixo pública per primer vegada al traviés de les sos redes sociales una semeya col so padre. Trátase d'una semeya na que puede vese a la cantante na so infancia, xunto al so proxenitor y un perru blancu, del que diz que foi'l so «primer meyor amigu».

Lo que más llamó l'atención ente los sos siguidores ye qu'ésta foi la primer vegada qu'amuesa al so pá, Manuel Gara López. Foi un esiliau asturianu, concretamente de Xixón, que tuvo que refacer la so vida de xoyeru en México, país nel que darréu nacería la cantante.

Na publicación tamién llamó l'atención l'aspeutu d'Alaska na so infancia, yá que llucía unos rizos bien rubios. Un estilu totalmente contrariu al que lluz davezu anguaño.

La cantante nació en México en 1963, llugar nel que moró hasta que cumplió 10 años. Darréu camudóse a Madrid. Alaska convirtióse nuna cantante de sonadía con ésitos como «Ni tú ni nadie», «Dramas y Comedias» o «A quién le importa». Nos últimos años realizó realities xunto al so home Mario Vaquerizo y anguaño, sustitúi a Concha Velasco como presentadora del programa Cine de Barriu.