Si quies conocer la hestoria de los vaqueiros ensin dexar de facer deporte, güei vamos enseñavos una ruta de montaña pa facer en bicicleta que nun va más p’allá de los 35 quilómetros.


El percorríu entama al pie de la ilesia parroquial de Samartín de Lluiña, conocida como la catedral de los vaqueiros. Dende equí, vamos salir en dirección al barriu de Castañéu, el únicu camín qu’hai per onde se baxa al Valle de la Barca, onde cruzaremos per una ponte el ríu Uncín. Tres acabar la baxada, entama una subida que s’allarga hasta Llan de Cubel, con pendientes más o menos estables que nun pasen del 8% y con una bona parte na que se rodea el picu llaneando. En llegando a Llan de Cubel, vamos entamar con un sube y baxa pelos caminos per onde caminaben los vaqueiros, como por casu, el camín de los Asturianos, too ello ensin perda, ya que ye l’únicu camín. A la fin, llegaremos a la Sierra de los Vientos, el puntu onde remata la subida y dende vamos poder una vista de cuasi tol conceyu de Cuideiru.


El camín de vuelta ya tan cenciellu como dexase llevar pela baxada qu’atraviesa el pueblu de Brañaseca y Cipiel.lu y que remata de nueves na ilesia de Samartín de Lluiña.