Cada selmana vas poder atopar en VerAsturies.com les recetes llambiones de la escritora Beatriz Rato.
450 gramos de farina, 20 gramos de formientu de panadería, 50 gramos d’azucre, 50 gramos de mantega, un güevu, un plizcu de sal, un vasu de llechi pequeñu.
Facer un furacu na farina amontonada na meseta y echar ellí l’azucre, la sal, el güevu y la mantega. Mecer y añidir de siguío a pocoñinos la llechi caliente ensin aparar de masar; tien que masase muncho. Poner la masa nuna fonte y dexalo posar nun llugar templáu hasta que suba bien. Formar los bollos y dexalos reposar nel mesmu sitiu templáu tapaos con un rodillu pa que nun-yos dé l’aire. Facer una tayada en cada bollu con un cuchiellu y metelos darréu nel fornu percaliente. Cocer a temperatura alta. Cuando tean turriaos, sacalos, barnizalos con güevu batíu y espolvorialos con azucre.
