Los xelaos son pal branu. Anque les vacaciones d'anguaño van pasar a la hestoria como unes de les más atípiques de les últimes décades, hai coses que nun camuden. Como la tradición d'enfrescase dempués d'una xornada de calor con un xeláu. Y nes xeladeríes d'Asturies hai pa tolos gustos. Sabores increíbles pa tastiar en tarrina o cucuruchu y con una amplia ufierta pa persones alérxiques.
Xelaos Alvisan
Nada meyor pa esfrutar d'un auténticu día de sablera pel branu que con un xeláu. Y nengunu meyor que los deliciosos sabores artesanos de Xelaos Alvisan. Esta moderna xeladería allúgase nel corazón de Ribeseya, mui cerca de la oficina de turismu, la Casa Conceyu y la desaguada del ríu Seya. Los xelaos sírvense en tarrina, cucuruchu o galleta y tán afechos a tolos públicos: hailos ensin gluten, ensin lactosa, ensin pulgos, ensin güevu, ensin azucres… Tamién cunten con tartes xelaes y semifríes, postres, smoothies, granizaos y frutes xelaes baxo encargu.
Travesía Ramón Soto, Ribeseya
Teléfonu: 678 35 15 81
E-mail: heladosalvisan@gmail.com
Horariu: tolos díes de 15:00 a 01:30 hores
Yummy! Natural Frozen Yogurt & Ice Cream
El yogur xelao ta de moda. La so popularidá creció exponencialmente nos caberos años. El yogur ye un productu ricu y saludable y constitúi una fonte de probióticos qu'ayuden al sistema dixestivu. Y con menos caloríes. Toa una alternativa a los xelaos tradicionales. La xeladería Yummy! de Avilés ta especializada nesti productu. Nella vas atopar yogur natural xeláu con una gran variedá de sabores y toppings pa qu'esfrutes d'un xeláu fechu a la to midida. Amás, vas atopar xelaos artesanales, gofres caseros, batíos, gofre burbuya y fruta variada de temporada recién cortada.
Cai Cámara, 12. Avilés
Teléfono: 984 08 98 95
Horario: de 12:00 a 22:00 hores, vienres y sábados hasta les 00:00 hores
Xeladería Ferrera
Xelaos como los de tola vida. El sabor ye l'auténticu protagonista na Xeladeria La Ferrera de Tapia. Nel so local de la cai del Marqués de Casariego, 12, ufierten una amplia variedá de sabores colos que faer les delicies de tola familia. Amás, cunten con una gama vegana de 13 sabores, qu'amás tán llibres de 6 alérxenos principales: gluten, lactosa, güevu, pulgu, cacagüés y sésamu. Xelaos supercremosos sirvíos n'arrogantes raciones en tarrina o cucuruchu que se derriten na boca. Toa una esplosión de sabores pa poner la guinda a una xornada de branu. Una parada obligada si pases per Tapia.
Cai del Marqués de Casariego, 12. Tapia
Teléfonos: 606434104 y 681646213
Horario: tolos díes de 12:00 a 02:30 hores
Fragola
Compartir ye vivir. Y qué meyor nestos momentos qu'esfrutar del branu al pie de los nuesos. En tarrina o en cucuruchu los xelaos son un clásicu qu'enxamás falla. En Fragola (avenida de la Dársena, Navia) sábenlo perbién, por eso cunten con un ampliu surtíu de 35 sabores distintos. Nes sos vitrines nun falten dellos clásicos como'l xeláu de Kinder Bonu, galleta Oreo, turrón o tarta de quesu. Amás, cunten con sabores aptos pa veganos y cucuruchos ensin gluten pa persones celíaques. Esti branu, tamién puedes faer los tos encargos per Whatsapp y pasar a recoyelos cuando quieras.
Avenida de la Dársena, Navia
Teléfonu: 686 28 50 39
Horariu: tolos díes de 16:00 a 00:00 hores
Yoguríssimo
Materia prima de la mayor calidá y una ellaboración artesanal. Esi ye'l secretu de les xeladeríes Yogurissimo. Nacieron como una forma saludable y prestosa de comer un xeláu. El yogurt caltien toles sos beneficioses propiedaes y al añadir toppings caún ellabora'l so xeláu “igualín al de naide”… Ensin perder la esencia de materia prima calidable, fueron ampliando la so ufierta con xelaos artesanos “a midida”, buffles, gofres, smoothies… Nestes nueves incorporaciones pueden paecer qu'abandonaron la premisa saludable, ¡nada más llueñe de la realidá! Los xelaos ellabórense artesanalmente, ensin conservantes nin saborizantes artificiales, que pueden contener hasta la metá de les caloríes y azucres qu'unu ellaboráu industrialmente. Si esti branu vienes a Asturies puedes atopalos en Xixón (avenida Ablondu García Rendueles, 6), Lluanco (cai Ortega y Gasset) y Llanes (cai Muelle, 1) y esfrutar del xeláu ¡recién fechu!
