Tino Casal nació nel pequeñu pueblu industrial de Tudela Veguín, averáu a Uviéu. Entamó la so carrera musical nel añu 1963, con trece años y mientres estudiaba na Escuela d'Artes y Oficios d'Uviéu, nun grupu que se llamaba Los Zafiros Negros. Nel 1966 Cholo Juvacho fixóse n'él pa formar parte de la banda asturiana Los Archiduques sustituyendo al cantante principal por enfermedá. Con esi grupu grabó trés singles, discos de pequeñu formatu que teníen dos canciones por cada cara: No le ames»/«Lamento de gaitas», «Dimensión en Sol mayor»/«Quiero volar muy alto» y «Linda»/«La princesa y el juglar». La esitosa «Lamento de gaitas» foi 'l primer cantar pop-rock español n'incluyir la gaita. Separóse del grupu al poco y decidió marchar a vivir a Londres pa formase na pintura. Na capital británica tuvo'l so primer contautu cola corriente del glam rock liderada por David Bowie.
En 1977 Tino Casal torna a España, onde firma un contratu cola discográfica Philips. Nesos años preséntase a dellos festivales musicales y en 1978 participa nel Festival de Benidorm, onde queda en segundu llugar a pesar de ganar dellos galardones como «meyor cantante nuevu» o «meyor composición musical». En rompiendo con Philips, vuelve a la música en 1980 y firma cola discográfica EMI en 1981, onde va collechar los sos mayores ésitos.
TinoCasal finó'l 22 de setiembre de 1991 a los 41 años por causa de un accidente de tráficu en Madrid. L'informe médicu determinó la so muerte como «frayatu del músculu cardiacu causada por una de les sos propies costielles». De magar, asocediéronse diversos homenaxes a la so figura en Tudela Veguín y Uviéu, onde tien una estatua.
