Viḷḷar de Vildas atópase somorguiáu nuna redolada natural privilexada. Arrodiáu de viesques, montes y ríos, ye'l destín perfectu pa los amantes de la naturaleza y p'aquellos que busquen escapar del ruíu de la vida urbana. La zona ye ideal pa practicar senderismu, con rutes qu'ufierten impresionantes vistes panorámiques y la oportunidá d'afayar la fauna y flora autóctones.

Esti pequenu pueblu fíxose famosu n'Asturies gracies a la reconocencia que supunxo'l Premiu Príncipe d'Asturies al Pueblu Exemplar que se-y otorgó nel añu 2004. Tres ello, el llugar desenvolvió'l sector turismu, teniendo distintos hoteles, cases rurales y restoranes.

Ye chocante la hestoria del so nome, esto ye, el so topónimu. El nome de Viḷḷar de Vildas esplícase cola lleenda que cunta cómo un grupu de somedanos enfrentóse a les tropes musulmanes, superiores en númberu y n'armes. Los somedanos fueron vencíos y muertos, quedando nel llugar como únicos supervivientes les sos vildes.

Qué ver en Viḷḷar de Vildas

Si visites esti pueblu, hai ciertes coses que nun puedes perder. Una d'elles ye'l so patrimoniu, con construcciones como'l molín o la Ilesia de San Miguel. Sicasí, una cosa curiosa que podemos reparar equí ye la ornamentación en delles cabanes o teitos del barriu d'El Cabu.

En delles d'estes construcciones apaecen pequenes talles nes xambes de delles puertes o nel cercu de dalguna ventana. Son talles de cares d'home y muyer y en dellos casos tán acompañaes de les sos iniciales y de númberos. El significáu d'estes talles nun s'estudió inda en fondura, anque les opiniones de los espertos apunten a que se trate d'un simple caprichu de dalgún propietariu copiáu dempués polos sos vecinos. Sicasí, otros estudiosos argumenten que quiciabes se trate de bloques de piedra tallaos que fueron reutilizaos y que tengan un orixe verdaderamente antiguu. ​

Viḷḷar de Vildas ye una ayalga escondida en Somiedu, una xoya que combina hestoria, naturaleza y autenticidá.

Cómo llegar dende'l centru d'Asturies

El pueblu ta a una hora d'Uviéu, y llegar ye bien cenciellu. Dende esta ciudá, vas tener que tomar l'A-63 y siguir la carretera hasta la Salida 9/Doriga/AS-15/Cangas del Narcea. Dende ellí, vas tener que tomar l'AS-15 mientres siete kilómetros hasta la esviadura escontra l'AS-227, xusto na ilesia de Samartín de Llodón. Tres doce kilómetros, yá llegaríes.