Morcín Celebró, un añu más, el certamen de quesu afuega’l pitu, que yá ye tradición nel conceyu. La localidá de La Foz de Morcín enllenóse d'asistentes ya interesaos nesta variedá quesera asturiana, onde pudieron conocer el so procesu, distintos productos y, inclusive, mercar dalguna pieza. Tolos sos productores amosáronse satisfechos, pero con un nuevu retu per delantre: espandir esti tipu de quesu asturianu, del que se producen 130.000 quilos al añu, más allá del Negrón.
Unu de los momentos más importantes del certame foi la entrega de premios a los meyores quesos afuega’l pitu en diverses modalidaes. Con cuatro categoríes, esti foi'l resultáu final:
El quesu afuega’l pitu ye un quesu grasu (frescu o madurecíu) ellaboráu con lleche entero de vaca de les races Frisona o Asturiana de los Valles y les sos cruces. De singular testura adherente, aumenta en firmeza y faise más compactu a midida que madura. Presenta un color blancu con enclín a amarillear según avanza la maduración, o color anaranxáu si apúrrese-y pimentón. Apréciase nél sabores y arumes acedos y lácticos frescos, con alcordances a mantequilla, qu'evolucionen con toques de lleldos. Nel casu de los quesos que presenten mayor tiempu de maduración, la evolución de los lleldos ye más notable, y podemos atopanos sabores con alcordanza a xampiñones o un llixeru amargor perfectamente integráu nel conxuntu.
