Cerramos esti mes poniéndo-y un broche lliterariu con un toque bien femenín y, sobremanera, bien asturianu.

Maria Josefa Canellada

Nació nel Infiestu nel añu 1912 y foi romanista, dialectóloga, folclorista y narradora española.

Treslladóse a Madrid pa estudiar el bachilleratu y más tarde empezó los estudios de Filosofía y Lletres na Universidá Central de Madrid. Los sos estudios universitarios fueron interrumpios pola Guerra Civil española y nun pudo terminalos hasta la so finalización.

Collaboró en dellos proyectos col Consejo Superior de Investigaciones Científicas y nel Laboratorio de Fonética de la Universidad de Coimbra. Amás, trabayó como investigadora y llegó a exercer el so oficiu en distintes universidaes estranxeres.

Consiguió ser finalista del premiu Café Gijón nel añu 1954 gracies a la so novela Penal de Ocaña.

_________________________________________________________________________________________________

Sabel Tuñón Ces

Xixonesa conocida por ser activista en distintes asociaciones ciudadanes, culturales y polítiques. Foi cofundadora del Partíu Asturianista y nos años 80 foi miembru d'Andecha Asturianista

Na so trayectoria como escritora, ye autora de cuentos pa neños de 0 a 3 años, amás d'un llibru sobre Andrés Solar o una guía sobre la parroquia xixonesa de Deva.

Xuntu al xaponés Takeshi Moritaku, ellaboró el primer diccionario asturiano-japonés/japonés-asturiano.

Anguaño, ye guía, Directora d'Ociu y animadora sociocultural. Amás imparte clases d'asturianu y ye miembru de l'actual xunta directiva d'Iniciativa pol Asturianu.

_________________________________________________________________________________________________

Marta Mori

Marta Mori ye otra escritora xixonesa llicenciada en lliteratura y Doctora en Filoloxía Hispánica pola Universidá d'Uviéu.

Dalgunes de les sos obres más destacaes son «Pórticu«, cola que ganó nel añu 2002 el Premiu Teodoro Cuesta de Poesía. Nel añu 2004 repitió premiu con otra de les sos obres, «El tiempu de espera«.

Amás, tien publicaos dellos artículos y llibros rellacionaos cola crítica lliteraria y l'hestoria.

Un de los últimos trabayos d'esta escritora ye la publicación del poemariu «La mio voz» nel añu 2019. Anguaño ye vicepresidenta de l'Academia de la Llingua Asturiana.

_________________________________________________________________________________________________

Esther Prieto

Nació n'Arenas de Cabrales en 1960. Ye llicenciada en Filoloxía Hispánica pola Universidá d'Uviéu.

La so primer obra escrita en llingua asturiana foi una narración de calter infantil «El curiador d’estrelles» .Se dió a conocer nel mundu de la poesía nel añu 1992 con «Edá de la memoria«.

Seis años más tarde, foi galardonada col premiu Teodoro Cuesta de Poesía con «Mala suerte«, un poemariu compuestu por poemes curtios ya intensos nos que se trata sobro la muerte y la vida.

Amás, nel añu 2001 recibió'l Premiu «.Xosefa Xovellanos» de Novela cola obra «Güelu Ismail«.