La rede d'impactu social europea, Ecluid Network, publicó nel día internacional de la muyer la llista de les 100 muyeres emprendedores líderes nes corrientes del cambéu social n'Europa y hai una asturiana ente toes elles.
Aroa Fernandez Álvarez ye una de el fundadores de Trace Collective y Trace Planet, dos organizaciones que'l so oxetivu ye reinventar el sector de la moda pa utilizalo como ferramienta na rexeneración medioambiental.
La primera d'elles ye una marca que produz prendes úniques con texíos naturales que contribúin al secuestru de carbonu atmosférico y al aumentu de la biodiversidá de la tierra, ayudando con ello a apangar el cambéu climáticu.
Per otru llau, Trace Planet ye una organización ensin ánimu d'arriquecimientu que trabaya para facer llegar a les consumidores y a les marques que'l sector de la moda y a rexeneración medioambiental pueden dir de la mano, sofitando con talleres y eventos a Trace Collective.
Amás, poles sos habilidaes de lideralgu, el compromisu social que caltien cola so marca y la capacidá que tien pa inspirar a otros l'asturiana entra na llista de top 100 Women in Social Enterprise. Toles muyeres d'esta llista fueron escoyíes por desenvolver ya implementar con éstiu proyectos a gran escala pa avanzar nos oxetivos de desenvolvimientu del mileniu.
