Los conciertos van celebrase con aforu llindáu na plaza del Centru Niemeyer
Avilés afai la so ufierta de conciertos pa esti agostu a l'actual situación sanitaria. La conceyalía de Festexos trabaya nun programa cola música como protagonista, colos conciertos de seis artistes referentes n'España en bien diversos estilos musicales: Alba Reche, Cepeda, Delaporte, Lola Índigo, Loquillo y Rodrigo Cuevas. Los sos recitales van ocupar un espaciu icónicu con toles garantíes de seguranza: la plaza abierta al mundu del Centro Niemeyer. Van tener llugar los díes 21, 22, 26, 27, 28 y 29 d'agostu, empezando en tolos casos a les 22:30 hores.
Avilés celebra la música y sofita a los artistes con seis nueches de conciertos n'agostu. La ciudá recupera con fuerza'l so llugar como puntu d'alcuentru de los aficionaos nel norte d'España tres el confinamientu. La villa va ser parada obligatoria de les grandes xires musicales, de la mano de seis artistes españoles bien distintos pa llegar a tou tipu de públicos, d'edaes y gustos musicales.
Les entraes tan yá a la venta na páxina web www.entradasatualcance.com. Pela so parte, la taquilla del Centru Niemeyer namás va vender entraes pa persones con movilidá amenorgada y p'asientos con visibilidá amenorgada. Nesti últimu casu podrán adquirise a un preciu inferior.
Los precios, ensin incluyir los gastos de xestión, son los siguientes:
- Vienres 21. Rodrigo Cuevas. 18 euros (Asientos con visibilidá amenorgada: 14 euros)
- Sábadu 22. Delaporte. 15 euros (asientos con visibilidá amenorgada: 13 euros)
- Miércoles 26. Alba Reche. 20 euros (Asientos con visibilidá amenorgada: 18 euros)
- Xueves 27. Loquillo. 30 euros (asientos con visitiblidá amenorgada: 26 euros)
- Vienres 28. Lola Índigo. 25 euros (asientos con visibilidá amenorgada: 21 euros)
- Sábadu 29. Cepeda. 18 euros (asientos con visibilidá amenorgada: 14 euros)
