Un añu más, yá tamos en mayu y eso tradúzse nun bona noticia porque... ¡Vuelve la Feria del Coleccionismu, Antigüedaes y Vintage d'Avilés! Nesta ocasión, celébrase la so oncena edición, lo que fala mui bien de la so trayectoria y ésitu. Del 24 al 26 de mayu, el Pabellón d'esposiciónes La Magdalena va ser l'epicentru d'esti eventu que promete deleitar a los amantes de la hestoria, cultura y coleccionismu en toles sos formes.
Pa los que busquen espandir les sos colecciones o descubrir pasiones nueves, esta feria ye'l sitiu perfectu. Dende los coleccionistes más esperimentaos hasta aquellos que tán dando los sos primeros pasos nesti mundu apasionante, toos van alcontrar daqué que-yos guste y emocione na XI Feria del Coleccionismu d'Avilés.
La entrada a esti eventu ye de vienta directa al públicu y tien un preciu de 4€ pa los trés díes, polo que ye un preciu bien algamadizu. Amás, nestos díes tán ufiertando un descuentu de 0,50€ a aquellos que presenten la imaxe espuesta embaxo. Ensin dulda, una bona oportunidá que nun puedes dexar escapar. El so horariu va ser de 17 a 21 hores na xornada del vienres, ente que'l sábadu y domingu va ser de 11 a 21 hores.
Pero la Feria del Coleicionismu nun ye solo un eventu pa los entendíos na materia. Tamién ye una oportunidá p'afayar la hestoria y la cultura al traviés d'oxetos qu'aguantaron el pasu del tiempu. Cada pieza espuesta cuenta una hestoria única y conéctanos col pasáu d'una manera tanxible y emocionante.
Espositores de tol territoriu nacional, Galicia, Madrid, Llión, Salamanca, Cantabria, y tamién un espositor d'Inglaterra darán cita nesti eventu. Mención aparte merez esta última mención, ye una bona oportunidá p'atopar artículos que nun vas poder atopar nuna tienda convencional. Vas Poder atopar dende vinilos, Playmobil, pines, postales, ropa, xoyes, muñeques, xuguetes antiguos, tebeos, llibros, muebles, cristalería, gramófonos, colecciones, monedes… Y muncho más.
La XI Feria del Coleicionismu d'Avilés promete ser un eventu inolvidable con unes pieces de coleccionismu y antigüedaes que van ser difíciles d'atopar n'otros llugares. ¡Nun pierdas esta oportunidá y visita esti eventu n'Avilés!
