Un de los espectáculos más ablucantes qu’ufre la soronda d’Asturies ye la berrea. Un espectáculu ensin igual del que los amantes de la naturaleza pueden esfrutar tolos años dende mediaos de setiembre hasta payares. Una exhibición qu’amesta los colores guapos del monte asturianu na seronda con un ritual animal que paga la pena ver.

El procesu natural de cortexu ye un ritual animal nel que los machos venaos compiten pol poder, la fortaleza y la xerarquía de la manada frente a les femes. El más fuerte caltendrá’l so llinaxe una xeneración más, mientres que los más febles munches vegaes acaben siendo comida de llobos, buitres y otros carroñeros qu’aprovechen esta situación. El ritual consiste en que los machos peguen berríos bien fuertes p’atrayer a les femes y asustar al restu de los machos. La llucha cuerpu a cuerpu ente los animales ye feroz, churnándose ente sí faciendo un ruíu atronador y xabaz, mui parecíu al d’un españíu que resonara nel cordal. El reclamu a les femes ye asordecedor, y la tensión pálpase en cada llucha y cada berríu.

En FRONTERA VERDE AVENTURA ufiertente la oportunidá de ver de cerca'l magníficu espectáculu de berrar en delles localicaciones: nel Parque Natural de Ponga, nel Parque Natural de Redes y nos conceyos d'Ayer, Piloña y Nava. Los horarios varíen según la localización na que decidas ver berrar, anque, como norma xeneral, hai dos opciones: una salida pela mañana (de seis a una del mediudía), na que vas ver amanecer y otra pela tarde (de cuatro a nueve), na que vas ver atapecer y vas faer una ruta nocherniega de regresu. Pa realizar esta salida, FRONTERA VERDE encamienta dir forníu con una mochila pequena con agua y comida, calzáu de monte qu'abrigue y protexa el todíu, ropa d'abrigu (pantalón llargu, camiseta térmica, xerséi, chaqueta…), forru, bufanda y guantes. La tarifa de 40 euros inclúi tresporte a Cangues con regresu, empón especializáu, fronteros para cada tripulante y usu de telescopiu y prismáticos (a compartir). Toa una aventura, para la que puedes ampliar información na so so páxina web.