Nel añu 1587, un tarrecible quema arrasó dafechu la Villa de Castropol. L'únicu edificiu que sobrevivió a tal catástrofe ye la Capiella de Santa María del Campo.
Na nueche del 28 d'ochobre de 1587 dátase una quema que quemó la villa de Castropol y les sos cases. Esti sucesu que tuvo llugar nesta villa fai qu'a penes se caltengan testimonios arquitectónicos anteriores al sieglu XVI. El pueblu quemóse casi de manera íntegra, y anguaño l'únicu que se caltien d'esa fecha ye una capiella.
La Capiella de Santa María del Campo nel parque de Vicente Loriente, reconstruyóse darréu nel sieglu XVIII. Una capiella dedicada a Santa María y construyida según la so llábana fundacional en 1461. Esti edificiu presenta una planta rectangular con una nave única. Na so fachada destaca la puerta de mediu puntu con trés mazcarones y una llábana fundacional, y sobro esta, un únicu óculo de tamañu bien amenorgáu mesmo que la pequena espadaña que corona la edificación.
El parque Vicente Loriente (1911) ta asitiáu sobro'l Campu de Trabáu (antiguu llugar de xunta de los vecinos de Castropol).
D'ente los sos monumentos destaca la ilesia parroquial de Santiago Apóstol, d'estilu barrocu (sieglu XVI o XVII). Presenta una torre, de planta cuadrada y rematada en chapitel de cayuela acabáu en punta (sieglu XIX). Nel prebisterio, xuna bandera recuerda al reximientu d'infantería de llinia «Castropol» que combatió na guerra de la independencia contra les tropes napoleóniques.
Si quies lleer más sobre Asturies, calca nel enllaz..
