Cabanaquinta ta nel interior d'Asturies. Ye una parroquia del conceyu d'Ayer que cuenta cola escultura más grande del mundu d'una gaita. El monumentu ta fechu con filu de cobre y ye obra de Gonzalo prado, cola intención de rindir homenaxe a la música tradicional.
Asturies tien una fuerte tradición gaitera que forma parte del so patrimoniu cultural y atractivu turísticu. La gaita asturiana nun tien un orixe esactu, pero los primeros nicios atopense nel capitel de la Ilesia románica de Santa María de la Oliva (s. XIII) en Villaviciosa na qu'apaez una figura que tien un fuelle dientro del pechu y toca sobre un tubu que sal del fuelle.
La Gaitona
La gaitona ta nel centru urbanu de la localidá ayerana de Cabanaquinta, na plaza de la Vacaína. Tien la intención de caltener les tradiciones y rindir homenaxe a la primer muyer gaitera, l'ayerana Tina Castañón. Foi una de les primeres gaiteres de toa Asturies de les qu'hai constancia.
La escultura mide trés metros d'altor y ta asitiada sobre un pedestal, que-y suma un metru más. La figura ta realizada con filos de cobre, denominaos “tiger”, un material que s'utiliza nes esplotaciones mineres. Gonzalo Prado Grela foi mineru, trabayó como barreneru y artificieru, polo que la minería ta bien presente en caúna de les sos pieces. Les sos obres son bien singulares, moldiaes con filu de cobre que dan forma a figures escultóriques bien diverses.
Pa la ellaboración d'esta gaita monumental, l'escultor emplegó 10 kilómetros de filos de cobre esmaltáu, aptu p'aguantar albentestate. Los filos fueron moldiaos sobre un armazón de fierru. Grela califica la escultura como “la más ecolóxica de toles escultures que realicé hasta'l momentu”. Ye la primer vegada qu'emplegó materiales que nun precisen quemáu.
Si quies más recomendaciones sobre Asturies, calca nel enllaz..
