Chorrón Villamayor (Piloña)
Nun entornu únicu en metá d’una viesca autóctona en Villamayor, nel ríu de la Cueva o Ríu Pequeñu podemos esfrutar del guapu tabayón d’El Chorrón. Ye un tabayón perguapu al que pue accedese percorriendo la Ruta del Chorrón, dempués de pasar per un área d’espardimientu col mesmu nome. Esta ruta ye bien cenciella y encamiéntase pa facer con guah.es. Anque nun ye un tabayón mui grande, el paisaxe que lu arrodia y la maxa de la ruta pa llegar a él, no fondero de la viesca, faen d’esti un tabayón especial, paisaxísticu ya imprescindible pa visitar.
Catarata de Xurbeo (Ayer)
A malapenes un quilómetru del pueblu de Murias, nel conceyu d’Ayer, podemos atopar el tabayón de Xurbeo. Ye un tabayón abiertu, blancu, que destaca sobre la piedra escuro, con pequeños saltos llaterales que lu ensanchen y faen bien guapu y prestosu de fotografiar. Podemos atopala recoyida nun pequeñu requexu na fastera del valle escaváu pol ríu Negru. Podemos llegar a esti tabayón tan atrayente al traviés d’una ruta bien curtia (de poco más de 2 quilómetros pa dir y tornar) que pue combinase con más visites pela zona. El tabayón de Xurbeo tien unos 20 metros d’altor.
Tabayón del Mongallu en Casu
Cerca de Tarna, nel conceyu de Casu, ta'l tabayón del Mongallu. Un saltu d’agua situáu nel Parque Natural de Redes y consideráu como monumentu natural dende’l 22 de mayu de 2003. Magar el so escasu caudal, ye un tabayón de gran guapura pol altor del so saltu (alredor d’unos 60 metros) y el maxestuosu paisaxe que se produz al amestalu col guapu fayéu del Monte Saperu qu’hai que travesar pa llegar a él. El tabayón anicia nel regueru del Mongayu y ta enmarcáu ente montes. La zona amás tiene una rica flora (uz blancu, fayeos, bidurales, xardones) y fauna (osu pardu, gallu montés, zapiquera, águila real).
Cataratas de Buanga Uviéu, Trubia
En San Andrés de Trubia (nel conceyu d’Uviéu), a falta d’un tabayón, podemos ver trés na ruta de Buanga. El primeru, el más pequeñude toos, a 200 metros del entamu de la ruta, que podemos ver nuna baxada de 10 metros bien esbariadiza (imprescible baxar pa contemplalu dafechu, pero con munchu cuidáu). A 80 metros d’esta, atopamos el segundu, dalgo más alta. Finalmente, a otros 200 d’esti segundu, atopamos el terceru y más altu de toos: un gran tabayón que se desprende ente la roca en dellos chorros que rieguen un espaciu bien guapu, con grandes árboles qu’acompañen al ríu nel curtiu espaciu llanu que’l tabayón propició.
