Samuel Gradín Presedo, nacíu en Xixón en xunetu de 1970. Ye enfermeru y trabaya nel SESPA. A los 14 años tuvo qu’emigrar a Galicia, onde vivió 20 años, despúes nel añu 2003 volvió a Asturies. En Galicia trabayó na radio «RadioVoz» faciendo programes de carácterr deportivu. N’Asturies collaboró con programes na RPA y con Iniciativa pol Asturianu col que facía un programa mensual de radio. En 2013 entamó’l proyeutu dixital d’Alderiques d’Asturies. Hoy responde al nuesu cuestionariu:
Un llugar pa perdese una fin de selmana:
Belmonte de Miranda.
Un llugar pa vivir:
Santolaya de Morcín.
Un platu:
Cachopu de cecina con quesu La Peral.
Un postre:
Frixuelos.
Una playa pa pasar el día:
Sablera de Gulpiyuri nel conceyu de Llanes.
Un pueblín que nun podemos dexar de ver:
Taramundi.
Un chigre pa tomar unos culinos:
Casa Fulgencio na Plaza’l Requexu en Mieres del Camín.
Un parque natural pa visitar:
El de Somiedu.
Una fiesta a la que nun faltar:
Descensu del Sella.
Un muséu pa recomendar:
Muséu de Belles Artes d’Asturies n’Uviéu.
Un momentu de la hestoria d’Asturies que te prestaría vivir:
La oficilidá del asturianu.
Un baille pa pasalo bien:
El xiringüelu.
Una pallabra n’asturianu que te preste:
Añada.
Una tradición que nun pue perdese:
L’escanciáu de la sidra.
Una espresión n’asturianu que te preste:
Bienllegaes/os collacies/os.
