Anabel Santiago ye cantante, articulista de prensa cultural y profesora de canto tradicional. Lleva más de 25 años dedicada a la renovación del xéneru musical denomináu «tonada» que la lleva a ganar decenes de concursos rexionales, asína como la concesión duna cai col  so nome ena capital astur, Uviéu con tan sólo 17 años d’edá. Tien a les sos espaldes más de 8 álbumes discográficos propios y más duna treintena de collaboraciones musicales con artistes de tol país. Con unu de los sos discos, «Agora», consiguió el Premiu Nacional de la Música nel añu 2012. El so último trabayu «Y andá» da un pasu más allá, y consigue xunir la música llectrónica cola de más raigañu. A día de güei sigue en xira con esti trabayu y prepara el so siguiente proyeutu que se estrenará en 2021. 

Un llugar pa perdese una fin de selmana… 

El valle del Lago en el Parque Natural de Somiedo, ye un llugar máxicu, tuve cantando ellí y amás de que la xente ye mui prestosa,  la visita a cualquier pueblín o a los Teitos ye una experiencia inolvidable.

Un llugar pa vivir…

Cerquina la costa, Lluanco. Tomar unes botellines nel muelle, picar dalgo coles vistes al mar que tien y dar una vueltina pol paseu de la Ilesia. Y si te queden ganes pues facer la ruta costera dende Moniello hasta el Cabu Peñes. 

Un platu…

Un bon rollu de bonitu, y si ye carne un cachopu de cecina. Anque en Asturies ye mui difícil decidir que vas a comer porque too ta bono. Lo de la nuesa gastronomía ye de otru mundiu.

Un postre…

Los frixuelos (rellenos de dulce de leche), son la mi perdición. Y si ye de salao, la variedá de quesos d’Asturies que tenemos, dende el quesu casín pasando al afumau de Pría. Delicatessen.

Una playa pa pasar el día…

La playa de Frexulfe (Navia), ye preciosa y nun ta mui masificada. El occidente tien unes playes poco conocíes que un envidien nada a la fastera oriental, tamién ye muy prestosa la de Tapia o la salvaxe de Barayo.

Un pueblín que nun podemos dexar de ver…

Espinaréu ye de los más guapu del conceyu de Piloña. Amás luz los horreós y la decoración floral más cuidaos y guapos de la zona. En Espinaréu veraneaba de neña y tengo recuerdos de lo afayadizu que yera y de la belleza natural que tien. Y pa la xente que-y gusta el monte, el área recreativa de La Pesanca y la ruta del ríu Infiernu.

Un chigre pa tomar unos culinos…

«Sidrería La Iglesiona» de Xixón, ye un sitiu céntricu y ta rexentao por una familia ucraniana que bien parecen de Felechosa. Ye un exemplu de convivencia cultural y de como una familia emigrante pue amoldase a les nuestres tradiciones. Tienen una cocina pa fartase rico y bien y lo mesmo pues tomar unos culines que brindar con vodka al glayíu de «Nasdrovia!!

Un parque natural pa visitar…

Parque Natural de Redes en Casu. Naturaleza y belleza van de la mano. Yo crieme ente esos montes y no hai nengún pueblu que visites ellí que nun te inunde d’asturianía. Muy a destacar la ruta de Brañagallones con una de les meyores vistes naturales del Principau, y quedase a descansar nel Refuxu.

Una fiesta a la que nun faltar…

La boda vaqueira d’Aristébano. Un experiencia que nengún asturianu debe perdese. Ye una sobredosis de tradición, folixa, alcuentru ente la xente de equí y de fuera. Tuve la suerte de ser nomada vaqueira d’honor fai dos años y subir a Aristébano montada a caballo con tola proocesión de xente y la liturxía que acompaña al ritual, ye dalgo difícil d’escaecer.

Un muséu pa recomendar…

El Bellas Artes d’Uviéu. Pola so hestoria, porque contien les colecciones más importantes del país y porque les sos instalaciones son impecables. Si a eso sumes que la entrada ye gratuita nun se puede pedir más.

Un momentu de la hestoria d’Asturies que te prestaría vivir…

La revolución d’ochobre del añu 1934. Hubiérame prestáo poner banda sonora a esi momentu de la hestoria d’Asturies, que foi vinculante y que por desgracia nun se recuerda como se debe. Asturies y un puñáu de xente valiente lluchando pola so tierra, nun se me ocurre meyor momentu pa rememorar.

Un baille pa pasalo bien…

El son d’arriba. O cualquir baile tradicional que nos acerque un poquiñín a lo que fuimos y a lo que somos. En asturies hai muncha cultura de baile, ye importante perpetuar esi sentimientu, por eso la importancia de la transmisión oral y en el casu del baille de los conocimientos de los distintos tipos de bailes por zones y por estilos.

Una pallabra n’asturianu que te preste…

Charrán/a. Faime muncha gracia poder llamar eso a dalguién que no abocana.

Una tradición que nun pue perdese…

La música tradicional asturiana, en concretu la tonada y los cancios de chigre. Por suerte hai un resurgir de xente mozo que canta y mantién vivu esi sentimientu. Y en los chigres y folixes paezme importante que se fomentara la recuperación de dalguna d’estes tradiciones que xunten a la xente y animenla a cantar ensin miéu amás de ayudar a consumir nos establecimientos hosteleros. Como exemplu los cancios de chigre de la Pola o Noreña. 

Una espresión n’asturianu que te preste… 

«Vamos a entamala». Resume con creces el espítu astur y como ye la xente equí. Escuches esa expresión y sabes que la folixa ta asegurá.