Sergio Buelga, nació en Xixón nel 79. Ye animador sociocultural y l’actual direutor escénicu de la Compañía Asturiana de Comedies, onde entró como actor nel 2004. Escribe teatru n’asturianu y, agora, ta metíu nun proyeutu mui prestosu de radioteatru. Nos prósimos meses, entama un nuevu proyeutu profesional de teatru con una obra de sátira política: «Plus Ultra».

Un llugar pa perdese una fin de selmana:

Monón, n’Ayande. Ye’l llar del mio suegru. Quiciabes te pierdas enantes de llegar ellí.

Un llugar pa vivir:

Nun pueo vivir munchu tiempu fuera d’Asturies. Agora toi en Pion, Villaviciosa, y toi encantáu.


Un platu:

Fégadu encebollao


Un postre:

Arroz con lleche con azúcre requemao

Una playa pa pasar el día:

San Pedru la Ribera, en Soutu Lluiña

Un pueblín que nun podemos dexar de ver:

Santo Millao, n’Ayande.

Un chigre pa tomar unos culinos:

Prefiero un café con solera. Encantóme l’Iruña.

Un parque natural pa visitar:

Encántame l’entornu’l Faru Peñes. Nun se si ye parque natural, pero habría selo.

Una fiesta a la que nun faltar:

El Salón de Teatru Costumista de Candás, la gran fiesta del teatru costumista asturianu.

Un muséu pa recomendar:

El Teatru Casino d’A Veiga. Nun ye un muséu, pero sí una xoya arquitectónica racionalista, inda n’usu. A ver si s’animen a faer visites guiaes.


Un momentu de la hestoria d’Asturies que te prestaría vivir:

L’ultimu conciertu pola Oficialidá del asturianu.

Un baille pa pasalo bien:

Los bailles acrobáticos que faigo cola mio fía Nora.

Una pallabra n’asturianu que te preste:

Comediante, nes sos tres aceiciones.

Una tradición que nun pue perdese:

Cualaquiera de les mazcaraes d’iviernu.

Una espresión n’asturianu que te preste:

¡Garrái les pites, qu’alleguen los cómicos!