Xaime Martínez (Uviéu, 1993) dedícase a la música pop y ye escritor. Tien nel so haber poemarios como Fueu cruzao (Hiperión, 2014) o Cuerpos perdíos nes morgues (Ultramarinos, 2018) en castellán, o Hibernia (Saltadoriu, 2017) n’asturianu. Collaboró con medios como PlayGround, La Nueva España, Anáfora o Tentaciones, y al pie de La Bande publicó dos LPs. La so última publicación ye so primer llibro-discu en solitariu, Ósculos d’enagua nel Imperiu Asturianu.
Un llugar pa perdese una fin de selmana… La carril bici d’Uviéu.
Un llugar pa vivir… Cualesquiera onde pueda vivir, como dicía Gil de Biedma, «como un noble arruinado / entre las ruinas de mi inteligencia».
Un platu… Cualesquiera de la Fábrica de lloza de San Cloyo, que ye un patrimoniu qu’hemos recuperar.
Un postre… Fayuelos de sangre, de xuru.
Una playa pa pasar el día… La del Silenciu.
Un pueblín que nun podemos dexar de ver… Samartín de Teberga.
Un chigre pa tomar unos culinos… Por siguir colo anterior, el Narciso de Teberga.
Un parque natural pa visitar… Yo soi mui de les Fontes del Narcea.
Una fiesta a la que nun faltar… Les de Teatinos, el barriu míu.
Un muséu pa recomendar… La casa natal d’Alejandro Casona, en Bisuyu.
Un momentu de la hestoria d’Asturies que te prestaría vivir… Los asturianos, como los irlandeses, siempre salimos derrotaos de la historia. Quiero más pensar no que nos queda por vivir: por exemplu, la oficialidá.
Un baille pa pasalo bien… Los qu’había nel antigu Funky, de la cai Carta Puebla d’Uviéu.
Una pallabra n’asturianu que te preste… Encántenme los nomes de conxuntu del asturianu. Por exemplu, corvería, un báramu de cuervos.
Una tradición que nun pue perdese… La de les paxarines, pa San Mateo.
Una espresión n’asturianu que te preste… Una que me dixo mio güela: creéis santiguavos, y sacáisvos los güechos.
