Diamantina Rodríguez, nacida en Quirós nel añu 1920, ye conocida como una de les máximes esponentes de la tonada asturiana del sieglu XX. Dende pequeña amosó'l so interés y talentu nesti xéneru musical gracies a la influencia de dellos familiares. La cantante Obdulia Álvarez convirtiose nel so principal referente dempués d'escuchala mientres la so infancia nun gramófonu.
Diose a conocer como cantante de tonada una vegada terminada la Guerra Civil, cuando se tresllada xunto al so home a La Ribera. Pocos años dempués, en 1948 ganó'l segundu premiu del concursu de cantar tradicional que realizaba na dómina'l diariu Región. Nel 1955 llogró finalmente'l primer puestu nesti certame.
Nel añu 1950 asitióse definitivamente en Mieres del Camín y na década de los 60, cola puxanza los concursos, Diamantina diose a conocer y xúnese a distintes organizaciones profesionales que lleven a cabo actuaciones en diversos festexos. En 1968 integró la Compañía de Campeones de la Canción Asturiana Asturias Canta. Dientro de la so discografía destaquen los sos álbumes «La verde Asturias«, «Canciones Asturianas» y «A las madres de los mineros«.
Mientres la so llarga trayectoria, recibió numberosos premios y galardones ente los que pueden destacar el nomamientu como Hija Predilecta de Quirós nel añu 2001 o'l galardón de la Medalla de Asturias como reconocencia a la so trayectoria en 2002. Amás tien l'honor de tener una cai col so nome dende 1998 en La Corredoria y un Centru d’Estudios de l’Asturianada en Mieres dende l'añu 2009.
