Xixonesa dafechu, Montse confiesase una enamorada d’Avilés. Claro que nun tol mundu tien la suerte de cruzar el parque de Ferrera a diariu pa llegar a la oficina de la Estaya, ubicada en el primer piso de la Casa Municipal de Cultura. La so cabeza enfótase nes traducciones y na organización de diversos ciclos de normalización llingüística colos que la conceyalía de Cultura pretende introducir l’asturianu con naturalidad nes aules. Una auténtica amente de la nuesa llingua.
Un llugar pa perdese una fin de selmana…
Avilés y n’especial el so barriu de Sabugo
Un llugar pa vivir…Xixón
Un platu…Rollu de bonitu
Un postre…Arroz con lleche requemao
Una playa pa pasar el día…El Sablón de Bayas
Un pueblín que nun podemos dexar de ver…Carangas nel Conceyu de Ponga
Un chigre pa tomar unos culinos…Nun soi de sidra. Yo tomaría agua con gas d’una marca mui asturiana en La Llosa n’Avilés.
Un parque natural pa visitar…Parque natural de Ponga
Una fiesta a la que nun faltar…La nueche de San Xuan
Un muséu pa recomendar…Dos: Muséu Arqueolóxicu d’Asturies y Muséu de la Historia Urbana d’Avilés
Un momentu de la hestoria d’Asturies que te prestaría vivir…La verdá nengún; magar de lo duro que ta siendo prefiero’l presente y pienso nun futuru cercanu cola llingua asturiana oficial
Un baille pa pasalo bien…La danza prima y un pasadoble bailláu con mio ma
Una pallabra n’asturianu que te preste…Hai munches, por nun dicir toes, pero especiales tengo dos: ayalga y musina
Una tradición que nun pue perdese… La foguera de San Xuan pa quemar ellí tolo malo
Una espresión n’asturianu que te preste…¿Cómo ye,ho?, fuerte y con entonación
